म भगवान

 म भगवान

म ऊ भन्दा बलवान्
उडेर आकाश छुन्छु
कुदेर गोलार्ध घुम्छु
हिमालको चुचुरोमा पुगेर हाँस्छु
समुन्द्रको गहिराइमा पुगेर नाच्छु
रोक्न सक्दैनन् पहाडी पर्खालले मलाई
काँडे तारका सिमाना बनाई
उड्छु म हावा  जसरी
घुम्छु म धरती जसरी
न  देख्छ  न सुन्छ  मेरो आवाज
केवल चिन्तामा टोलाउछ  बोलाउछ
सुनाउँछ असफलताका कथाहरू
आफुले भोगेका व्यथाहरू
परिस्थितिका परिधिमा बाधिएका व्यवस्थाहरू
देखाउँछ नाकामियाबीका अवस्थाहरू
चडाउछ  घटेका आत्मविश्वासका जाय जेथाहरु
हिम्मत छैन उसमा भत्काउने म प्रतिका आस्थाहरू