आजकाल मलाई सबैले सताउछन्
कोहि गिडगिडाउछन्
कोही तर्छाउछन्
त्यो सपनामा
घुमिरन्छन् मेरो सपनाको वरिपरि
प्राथना गर्छन् घरिघरि
मेरो विशाल शरिरमा लडिबुडि
माग्छन् आफ्नो यौवनको खुशी
खै किन देख्दैछु यी अबलाहरूलाई दुखी
आउछन् अगुवाहरूले बनाएका विधवाहरू
नग्न भइ देखाउछन् समाजले ढामेका चोटहरु
मसँग खोज्छन् खुशीका फोहोराहरू
माग्छन् प्रयोगशालामा निमिट्यान्न पारिएका छोराहरू
रुप होइन कुरुपता माग्छन्
पानी होइन तेजाब पिउछन्
अग्नीलाई एकै गासमा निल्ने वरदान माग्छन्
ती जलेका जलाइदिएका कुमारीहरू
सिन्दुर माग्छन् दाइजोको डोलि चढेका बुहारीहरू
No comments:
Post a Comment